ازاي تلقطها وهى طايرة

ازاى تلقطها وهى طايرة

ازاى تلقطها وهى طايرة

سرعة البديهة من اكتر الحاجات اللى بتميز الاشخاص فى الشغل وفي الحياة الشخصية علشان كده كلناعايزين يبقي عندنا بسرعة بديهة

لو عايز تلقطها وهى طايرة خلينى اقلك شوية نقاط هتخليك تلقطها فعلا وهى طايرة

حَسِّن مهاراتك في التفكير السريع

ارتبطت البداهة بسرعة الجواب وذكائه، وهي تعتمد على التفكير السريع والتمييز بين المواقف، و طبعا مش كلنا متعودين على القرارات أو الإجابات السريعة على الأسئلة في المواقف المختلفة.
اجمع مجموعة من الردود المعتاده

حاول انك تجمع مجموعةٍ من الردود والعبارات الّلي تشوفها جيّدة وقوم بتعديلها لتناسبها مع ظروفك المختلفة .

اتعلم من المشهورين

دور علي المشهورين بامتلاكهم البديهة السريعة، واقرا ليهم واتعلم منهم .

درّب عقلك

اكتب محادثاتك القديمة واتعلم منها ومن ردود الافعال عليها وكرر الايجابي وابتعد عن السلبي في محادثاتك الجديده .

التزم الهدوء

ماتخليش أي حاجه تثير غضبك او تزعجك وخلي في اعتبارك انك ماتضيعش وقتك في الرد علي شخص بيشتمك او يقلل منك ،لان افضل رد علي الاشخاص دول هو عدم الرد والتزام الهدوء .

احترم نفسك وخصمك

لان الكلام له القدرة على الإيذاء، فخلي كلامك يراعي كرامة الشخص اللي ادامك مهما كنت تكره الشخص ده بس برضو ماتسيبوش يجي علي كرامتك، زي ما قال أحد الحكماء: “لا يمكن لأحد أن يسيء لي دون إذن مني “.

  1. القصة :

هكيلك حكايه شاب كان دايما حاسس انه غبي وان كل اللي حواليه اذكي منه ومابيفهمش معظم كلامهم كان اصحابه ديما بيترقوا عليه ويقولوه كلام بيضايقه زي: انت ازاي مش فاهم ، وانت ازاي ماخدتش بالك ، ودي حاجة سهلة خالص ازاي صعبه عليك ، ودي حاجه معروفة جدا انت ازاي ماتعرفهاش

طبعا ده خلاه يحس انه في حاجه مختلفه عن الناس ولازم يغيرها وفعلا بدأ يركز اكتر ويهتم انه يسمع الناس اكتر وبقي بيفكر في كلامه قبل مابيقوله ويهتم ان يتكلم مع الناس اللي بيثق فيهم وشايف ان عندهم خبرات تقدر تفيده وبقي يهتم انه يركز ويسمع اكتر مايتكلم ، وطبعا بعد فتره بدأ يحس بالفرق وانه بقي يقدر يسمع المشكله ويفهمها ويفكر في حلها وبعدين يقوله ومع تكرار وتشابهه المواقف والمشاكل بقي يلقطها وهي طايره.

خطوات التطبيق :

  1. خليك مرن

  2. خليك دايما بنفسك

  3. اتعلم واقرأ كتير

  4. حاول أنك تكون اجتماعي

  5. حاول انك تفكر قبل ما تتكلم

  6. صاحب الحكماء من الناس

  7. اقرا كتير من مواقف الحكماء والأنبياء وأحاديثهم

  8. حاول تفرق بين كلامك في الشغل وكلامك مع اصدقاءك وكلامك مع معارفك وقرايبك.

موضوعات